தமிழகம்.!

*

குழந்தைக்குப் பால்
வாங்கப் பணமில்லை..
தலைவனின் படத்திற்கு
பாலாபிஷேகம்.!
தமிழகம்.!

-

தலைவர் நட்ட மரக்கன்று.!!

*

தலைவரின் வருகைக்காக
பல சாலையோர மரங்கள்
வெட்டப்பட்டன..
தலைவர் விழாவில் நட்டார்
ஒரு மரக்கன்றை.!?

-

இராஜமரியாதை..!

*

உயிர்வாழ ராஜமரியாதை..
ஒருநாள் மட்டும்..
தலைவர் நட்ட மரக்கன்று.!

-

பூக்கள்!!

*

ஒருநாள் வாழ்வில்

சிரித்துக் கொண்டே..

உயிர் விடுபவை!
..
பூக்கள்!!

-

நிலா !

*

வானத்தில் ஒரு நிலா!
பூமிதனில் பல நிலா(க்கள்)!
ஆம்!
நீருள்ள இடத்தேயெல்லாம்..

நிலா!!

.

மழை!

*

மேகக் குடங்கள்

மோதியதால்..
தளும்பியது நீர்!
மழை!!

-

இலையுதிர்காலம்..

*

ஆற்றில் போட்டாலும்

அளந்து போடாமல்
மரங்கள் கொட்டியன இலைகளை..
இது..
..
இலையுதிர்காலம்!

-

இரயில்!

நகரும் புல்லாங்குழலுக்கு
சக்கரம் வைத்தது

யார்?
..

இரயில்!

வானவில்!

வானமகளின்
ஒரு புருவம் இங்கே!
மற்றொன்று எங்கே?
வானவில் !